Burlesk humor frå dei finske skogane
No har eg nett avslutta boka "Den senile landsmåleren" av Arto Paasilinna. Det var ei frodig bok!
Den tok tak i meg frå starten av. Handlinga er om landsmålar Taavetti Rytkönen som lir av demens, og som leiger drosjesjåfør Seppo Sorjonen til å køyre han rundt. Taavetti veit ikkje sjølv kor han bur, kven han er og kor han skal. Handlinga blir dreven fram av Taavetti sine ønskjer om stadar han vil oppleve. Drosjesjåføren får ein godhet for passasjeren sin, som gjer at Seppo til slutt leverer inn drosja, leiger ein bil, og dreg på langtur med passasjeren sin.
Korleis ferda endar i finske myrar på jakt etter ti oksar - med 12 franske damer, to albanarar og ein bonde med broten lårhals på laget - det må du berre lese boka for å finne ut.
Godt språk, artige betraktningar, gode poeng bak ei frodig handling og eit mildt sagt variert persongalleri - denne boka kan anbefalast.
Ingen kommentarer:
Legg inn en kommentar