Inspirasjon!

I går var vi samla i Trivselshagen - til kick-off til NM i friidrett,og det var inspirerande!!

Johan Kaggestad som starta med import av Nike i Norge, trenar for Grete Waitz og Ingrid Kristiansen og har utvikla sykkelsporten i stor grad, inspirerte osoppmoda blant anna oss leiarar om å stille medarbeidarane våre spørsmålet: Kva kan eg gjere for å bli ein betre leiar - og korleis kan du hjelpe med det?
Ved å stille spørsmålet er ein audmjuk, noko som ein bør vere som leiar. Ein er avhengig av å få direkte tilbakemeldingar frå dei tilsette på kva dei meiner ein kan gjere betre, men det er gjerne ikkje så lett å skape eit miljø og ein kultur for dette. Ved å stille spørsmålet og få gode svar, risikerer ein berre ein ting, at ein blir betre. Forhåpentlegvis skapar dette også ein trygghet for at vi gir tilbakemeldingar til kvarandre, og at det ikkje er farleg å gje råd til kvarandre om korleis vi kan utvikle oss i betre retning. Den største faren på ein arbeidsplass, er at vi blir så sjølvtilfredse at vi hverken ønskjer å bli inspirert eller ta i mot tilbakemeldingar.

I pausen fekk vi servert fingermat, laga av Kokkenes Mesterlaug. Mmmmm, nydeleg!

Tom Nordlie fortalte om livet sitt som fotballtrenar, og kalte foredraget sitt "I fri dressur i medgang/motgang. Det var ei ærleg, direkte og redeleg livshistorie.

Verdas beste verdame, som ho vart kalla, Eli Kari Gjengedal, knytta saman kvelden på ein framifrå måte. Ho hadde laga artige sponsorinnslag, og var sporty, energisk og morsom i kommentarane sine. Knallbra, Eli Kari!

No gler vi oss til NM. Vi er inspirert og stolte av å vere saman om å få dette til, her i bygda. Og frå ein kollega fekk vi kake i dag, fordi ho sette pris på oss alle. Og det er gjensidig. Innimellom treng ein berre å få augene opp for kva vi har å vere takknemmeleg for. Vi har det kjekt, og vi skal få det knakande kjekt på NM i friidrett!