FrP-Djuvik bommar fullstendig
Leiar i FrP i Sogn og Fjordane, Frank Willy Djuvik, gjekk i går hardt ut på Twitter mot ordførarkandidat i Vågsøy, Morten Hagen. Djuvik skuldar han for løgn, og viser til ei sak som NRK SF har skrive, der Hagen uttalar:
-Høgre har sagt at vi må ha ei avklaring med nasjonal helseplan, før sjukehusstrukturen i landet blir vedtatt.
At Djuvik drar i gong eit sirkus og kallar dette for løgn, er fullstendig skivebom. Høgre har foreslått ein nasjonal sjukehusplan i Stortinget og stemt for dette. Høgre ønska ein nasjonal sjukehusplan for å sjå tenestetilbodet til innbyggjarane i Norge i samanheng. Dette vart nedstemt, og fekk ikkje fleirtal.
Det Djuvik tydelegvis er sur for, er at Høgre ikkje stemte saman med FrP i eit uforsvarleg forslag om å fryse alle endringsprosessar i heile Norge.
Så er det jo interessant å merke seg korleis Djuvik vil debattere med sine meiningsmotstandarar i valkampen. Han slenger ut slike alvorlege skuldingar i eit sosialt media til sine 198 følgjarar, utan at Morten Hagen er tilstades her. Ein slik debatt-strategi frå FrP er tankevekkande.
Ingen kommentarer:
Legg inn en kommentar